上周港股波幅大，但自周四期指結算後大市走勢相對明朗，加上基金季度結算大致完成，大市亦進入另一階段。估計本周將繼續在19500點至20000點之間橫行徘徊，由於藍籌股業績期已近尾聲，所以，港股會更加受外圍消息所影響。

上周五中國資源開發(661)以3億元增持雷石維爾礦業51%權益，復牌後股價大升56%，收報0.58元，升0.21元。其實資源股近期大受基金垂青，不過資源股仍需要時間判斷是否真正賺錢。

喬之認為最被忽略的資源股應該是亞太資源(1104)，今年2月該公司以2億港元收購澳洲Mount Gibson7%權益，而Mount Gibson主要業務為開採西澳洲中西部地區的赤鐵礦礦石。據消息人士透露，亞太資源會收購有關之礦石，入口內地提供大型鋼鐵廠使用。

噚日係期指結算日，一早就估到會有波動，但點都估唔到會個逆向思維，外圍一般，日股仲下跌，恒指亦係低開48點，誰料低至19460點，馬上來個蜈蚣彈，一升就二百幾點，真係無人估得到。恒指收報19821點，升267點，全日成交金額多達565億元。

表叔話，期指大戶留了殺，在中移動(941)受壓多日之後，突然湧高中移動，即日期指升167點，以19691點結算，但4月期指就大升313點，收報19884點，仲高水62點，成交49592張。佢話扯高期指結算，亦同時令唔少買窩輪散戶難以翻身。

駿新(091)復牌，以0.3001元配股，集資5800萬元去拓展煤層氣項目，復牌後大升36%，收報0.51元，更曾高見0.56元。股仔係貴，等回一回再上車可也。

大市高開，早市更突破19800點，但午後升幅收窄，恒指以19765點收市，升73點，但係大市成交連400億都唔夠，只得398億元。不過窩輪佔大市成交達102億，佔大市成交有25%之多。窩輪成交大未必係好事。

表叔話，玩窩輪散戶大多數係買指數輪同中移動輪，咁大成交其實有指示性，即係話唔少人仲係睇好後市，加上本周五係期指結算日，期指大戶隨時又挾多次。

不少人 看好後市

噚日大市借勢抽高，不過仍未能補回上次裂口位，係令投資者猶豫原因之一，短期恒指仍會在窄幅上落，甚至可以嘗試衝擊20000點大關，不過高位仍然有壓力。

上周恒指連升5個交易日，坦白講已經算係咁，但係自中移動(941)及匯控(005)等大藍籌公布業績之後，大市開始疲弱。上周五港股表現係悶局一場，在窄幅鞏固，上下波幅亦不夠100點，最後恒指總算微升2點收場。期指雖然仍高水，但就跌46點。不過大市成交金額就減縮番430億元。

大市反覆，但經「亞洲股神」四叔點題之後龍尾股———中貿房地產股繼續上升，不過已經開始個別發展，富力(2777)業績良好，多賺69%，股價升2.4%，雅居樂(3383)收購佛山地皮，亦升2.3%，中國海外(688)亦賺55%，更加得到花旗唱好，股價又升近4%。不過始終於龍尾股，真正爆發力相信要等至今年年底。

雖然市場中係等緊美聯儲局議息結果，但噚日港股就繼續偷步，炒係藍籌業績。港股連升4日，噚日收報19690點，升173點，雖然話係守唔住19700點，但成交金額達577億元，成交日增，證明投資者亦紛紛重返市場。

目前恒指在19800點應有阻力，但係倘若本周或下周初升穿有關阻力後，大市應再試20000點高位。另外，市場亦趁業績而炒作，例如中移動(941)業績不俗，但因前偷步盤較多，令投資者高位獲利；同樣情況發生在長和系身上，早前已有偷步買盤，但業績公布後，升幅亦收縮。但資金流向仍然主力炒業績股。

表叔話，3月底係基金第一季度結算，相信有唔少基金會粉飾櫥窗，估計下周大市仍然向好！

市場靜待今日中移動(941)業績，唔少投資者在噚日都持觀望態度，故此大市雖然徘徊爭持，不過全日成交都只係得396億元。

中移動業績影響後市

另外今日都係控(005)除淨之日，不過控噚日就輕微上升0.3元，收報135元。

而中移動亦在公布業績前升0.65元，收報72.8元。市場仍然對中移動業績看好，問題係在市場預期之上限或其他。故此，中移動業績的確影響後市。

由於內地中證監表示，可將保險資金入市比例將適當上調，刺激「三保」向好，但都只係輕微上升，此類滯後消息通常兩三日才反映在股價上，故此近期不妨追捧「三保」。

上周六人行突然調高存貸息率，此舉為收緊銀根。不過作為宏調政策，此消息早已傳過，故此港股已消化有關之消息，而且內地銀行息差並無因此而影響利潤，反而有利保險股。市場認為經過今次加息之後，人行暫不會有新措施，因此有利後市。

港股高開後，跟隨外圍造好，尤其日股高收，更刺激港股午後再上一層樓，恒指收報19266點，升313點，但成交金額只得380億元就真係成交不足，而即月期指以接近高位19219點收市，升385點，低水由百多點收窄至47點。

細價股繼續發難，慧峰(8228)急升15%後停牌，待公司公布敏感資料，新怡環球(1094)又係急升14.75%後停牌。華園(2349)升45%，首富國際(204)升69%。

上周五港股繼續玩過山車，高低波幅達300點以上，低開百多點再扯高午後又倒跌收場。只是港股在低位承接力不足，成交亦嫌缺乏。導致恒指仍然守不住19000點。

目前港股飽受三大因素影響，首先受美國次級按揭瀕臨爆破，二係日圓利差交易，三係內地宏調對股市影響。基於上述不明朗因素，令投資者卻步不前，故此港股在上周全周處於反覆狀態，相信本周更處於阻力位橫行，19000至19200點，難以再突破。

另外新股必升神話亦破滅，上周五掛牌澳華黃金(1862)，收報39.3元，較招股價42.5元低7.5%。

美國次級按揭貸款業務面臨危機，真係牽一髮動全身，不過亦有美國機構話，次級按揭並非新事物，其實早就估計有其危機，不過就唔會爆大鑊，影響只係短暫。消息令外圍股市反彈，可惜係港股反彈真係乏力，只能回升132點，而成交更係大減至350億元，同過往接近500億成交，真係明顯減縮。

雖然恒指曾反彈至19000點樓上，可惜宜攻難守，午後更受控(005)下跌影響，令大市難再上升。表叔話，市場人士憂慮內地人民銀行在本月底加息，均擔心國企股表現，所以採取觀望態度。

飛達(1100)話奪得世界足協帽品合約，前日大升，但噚日成交量亦唔少，不過股價跌0.06元，收報3.47元。